Gabayga: Ya’dii gabay
âť„Indhoweyd ya’dii gabay ka tegey, yiha-shadeediiye
âť„Ma yohoomin tixahaan, yaafadayn jiraye
âť„Yeelahaan u xidhay Cabdoow, yoolka maansada e
âť„Ka yabaalay goortay midhaha, yaahiyeen badiye
âť„Yaacadaan ka joogsay markaan, yaab u soo baxaye
âť„Marse haddii yaxyaxiyo xishoodiyo, wanaag yurantidii diiday
âť„Oo yabadh iyo dilaaliyo, yuuqis lagu raadshey
âť„Yeeli maayo anigu kufsiga, lagu la yaacaaye
âť„Yeelaha haddii aan saaka jaro, hay la yaabina e
âť„Yal qabow dabayl iyo, yalaxlihii dayrta
âť„Yalawdii hilaaciyo gu’goo, curasho yoomaaya
âť„Yeelaha haddii aan saaka jaro, hay la yaabina e
âť„Haddii aad yagleeshoo murtida yeedhin garanayso
âť„Yafanuunka waa laga jiraa yaac sheyoo iriye
âť„Yac yacoodka waa laga rawaa wayku yabaqdaaye
âť„Iskana yoohi maahee tixaha waa gabayga yool siiye!!
Kaydintii: Murtiyosuugaan
Tixraac: Qaryaan Buureed
Tafatir & Ururin: Mr: Cumar Ismaaciil Digeed