Gabayga: Odeygeeda Noqo
**Sida ayro geeloo ningaha, laga ulaynaayo
**Oo eeri dhabanoo saqliyo, orodku dheeraatay
**Oo ololka reentoo gooha iyo, awda laga yaabay
**Andacooyey gabaygu beryahan, waana la ogaaye
**Arad iyo in badan buu ahaa, sida agoontiiye
**Aniguna in badan baan ku jirey, ololihiisiiye
**Ilaashada markaan idin lahaa, maydinba ogayne
**Adna eeda waxaan kuugu raray, waa amuur culuse
**Amar Qaado goortaan ku iri, kuma ilaaweyne
**Oday sare inaad tahayna waan, ogsoonahaye
**Anafoodna maahayn waxaan, kuu abaarsadaye
**Awrkaaga raro baan lahaa, saaro agabkaaye
**Adiguna ajiibtoo hadeer, waa is aragnaaye
**Odaygeeda noqo suugaantu, waa adhiyo geeleene.
Kaydintii: Murtiyosuugaan
Tixraac: Qaryaan Buureed
Tafatir & Ururin: Mr: Cumar Ismaaciil Digeed