Cabdi Galayax Gabaygii : Laanderi
Tunka ayl taleex iyo nugaal timira meshisa
Taalada hargaysa iyo burciyo dacalka buuhoodle
Tariinaha jabuuti iyo intii taano laga gaaro
Toga adari tuulada wardheer tan iyo laas dhuure
Tayin iyo mareeraale iyo wabiga teedkiisa
Togta xamar tafaha jowhar iyo tayga baladwayne
Toobiga wajeer loo maro iyo turuga baardheere
Tuuf iyo quraanyiyo Garah labada tooxood ah
Tuni iyo abgaal iyo hawiye tuurcadiyo booran
Marexanka tuuraha Gedood togo ku maalaayo
Majeerteenka taagtay iyo hartiga turuqa waa wayn leh
Idoorka wada taajiriyo tiirka habar yoonis
Ogaadeenka tamashlaynayoo tiraba loo daayay
Intaas oo aan turaab iyo dhul iyo toll iyo mel sheegay
Ta,da gabay anaa yusufow taarashka u sidaye
Teebka iyo fartaan qoray nafluhu tacajib galiyaay’e
Dadkuna ii tixgalina meshan iyo toban jirkaygiiye
Anigoon todoba gaarin baan taani ku ahaaye
Hayeeshee taqsiir iyo afxumo iima toobana,e
Mana tabaabushayn hadaladaan toos ka soo dhicine
Intii tuhunle iyo ceebna ways kaga turaayaaye
*******
Taasi waa tamad gaarahoo,
Arartaanu taxaynoo
Taraawiixda la moodiyo,
Wa tusaala hortoodoo
Taqdiimoo iska dhaafaye
Marhadaan tixda maanso,
Tacliintaan u iqiin iyo
Tartiib teeda bilaabo,
Intaan taalo banaan iyo
Tarsheetooyin la buuxiyo
Turbi dheer la istaago
Meel cidlaa kama tooxe
Sidii faal taladiisiyo
Todobaadka ayaantiyo
Talaatiin xidigood iyo
Nin tafaaful yaqaana
Hadba waa tinguraa
Caawana waygu tahdiiboo
Tankeygii bogan maayo,oo
Tahli waayay warkiiyoo
Luqadii talaf weeyoo
Sidii taangiga galoo
Xabad loo tarbiyastoo
Madaafiicda Talyaani
Tunka loo dhigay aalad
Wax ma toogan karayo
Sidii ruux tabar wayayoo
Berya toogsin ku raagtayoo
Tukubaayo dhulkiisan
Iska ticahayaayoo
Nin taariikha horeetiyo
Magac taama lahaayoo
Berya taajyo kuxirnaayoo
Kursigii laga tuurayoo
Lala soo tartamaayaan
U tariisa ekaaday
Gabaygii tafla meer iyo
Tartarkiisa koreetaan
Ka taataabanayaayoo
Maanigaaba tiraaboo
Wixii laygu tixaamoo
Turaabtaa ka badnaa iyo
Wabiyaashii tusoobiyo
Togii soo furay caawa
Taasina waa tamad gaaroo
Arartaanu taxaynee
Taraawiixda la moodiyo
Waa tusaale hortoodoo
Taqdiimoo iska dhaafaye
Xaalkeer la i toydee
Ama laygu tuhmaayiyo
Taxsiiyaynta qabiilaan
U talaabsanhayaa
Niman aan tagaynoo
Waxba aan tala haynoo
Ragoodiiba tabaynoo
Nina taawili haynoo
Turub layska ciyaariyo
Tuladoo ladhex joogiyo
Timahoo lashanleestiyo
Toxtooxa cidlaa iyo
Anaa kaa tacab roon iyo
Adaan taajir aheen iyo
Tuubaday ka cabaan iyo
Tabdho naska la tuujiyo
Tamash lay ku jiraanoo
Todobaatanka wiiloo
Inta toonta la daadshay
Midba tuurta u yaaliyo
Taanidii cali dhuuxoo
Rag tabaadigii weeyee
Sidii tiir umudnaayoo
Taxtaxaashi ogaayo
Tal xariira aad moodiyo
Wali taahii ma dayninoo
Ku talaalay jirkaygee
Ninkii tuudha ahaayee
Tamcarnaa waligiis iyo
Qojihii tanqalnaa iyo
Tunlibaaxa lahaa iyo
Turqigiisiyo xooga
Turkidaan ku malayiyo
Wali oo toban dhaamiyo
Toosanow abdilaahiyo
Towlanow boqotkii iyo
Taqwigii ka danbeeyiyo
Tahajayn jiray diintee
Taqwadiisa aan yaabiyo
Ragaas aan tirsigiisa
Tayadiisa dhameeyay
Inta meeshan tuuran
Waa tolkay ka dhashenoo
Tabaan caawa u sheegiyo
Wabay aan ku tilmaamiyo
Wax kaloon tusihaayniyo
Tafaasiir uma baahna
Murtiyosuugaan
Mr: Cumar Ismaaciil Digeed