Hordhac Dib Loo Habbeeyay:
Gabayada qiimaha iyo qiiro-gelinta leh ee uu tix-raaca u yahay abwaankii weynaa, Raage Ugaas Warfaa, ayaa ka mid ah kuwa ugu cajaa’ibta badan suugaanta Soomaaliyeed. Waxaa maansadiisa dhex yaalla gabaygan xusuusta mudan oo uu mariyay xilli xanuun badan oo uu ku waayay tiirkiisii nolosha. Wuxuu Raage gabaygan ka tiriyey geeridii naxdinta lahayd ee xaaskiisii uu jacaylka dhabta ah u qabay, Xaddiyo Nuur Yey, oo libaax soo dheelmaday ku qaaday habeen madow. Tixdan hoose waxay si mug leh u muujinaysaa qoomamada, murugada, iyo quusta aan la qiyaasi karin ee abwaankaas ku dhacday, isagoo yidhi:
- Sida koorta Yucub oo la sudhay, korommo buubaal ah
- Ama geel ka reeb ah oo nirgaha, laga ka xaynaayo
- Ama beelo keynaan ah, oo kor u hayaamaaya
- Ama ceel karkaarrada jebshiyo, webi karaar dhaafay
- Ama habar kurkii iyo wadnaha, lagaga kaw siiyay
- Ama kaal danley qaybsatiyo, kur iyo dhal yaabis
- Shinni kaaluf galay ama siddii, koronkoroo oomi
- Xalay kololo’aygii ma ladin, kaamil reeruhuye
- Kunbulkiyo ardaagii miyaa, laygu kaliyeeyay?
- Wixii laygu kuunyeeyay miyaa, igu karaamoobay?
- Kunbiskii miyaa layga qubay, kolayo ii buuxay?
- Maantana kataantii miyaa, layga kala qaaday?
- Kob abaar ah oo dhexe miyaa, koore ila meeray?
- Kub miyaan ka jabay biixiyaan, kabayo loo haynin?
- …
Soo dhamaystira Gabaygu ma dhamaystiran intaas ayey Akadimiyadu heshay
Kaydintt: Akadimiyadda Afka iyo Suugaanta ee Murti
Qalinkii & Tafatirkii: Mr: Cumar Ismaaciil Digeed