Gabaygan Abwaanku wuxuu tiriyey laba dayrood ka dib deyrta caanka ah ee loo yaqaanno Xays Ballaayo.
Wuxuu gabaygan kula dagaalamayey gumaystihii dalka yimid ee cagaha ku jiidanayey qabaa’il Soomaaliyeed oo uu ku gabbaraaran jiray. Ciidamada uu gumaystuhu ka qortay Soomaalida waxaa ka mid ahaa kuwii la odhan jiray:
Kulladley
Fulladley
Gambo Cad
Rayad
Xasuusin: Kooxda Rayad waa kuwii aad maqasheen ee Ingiriisku, jabkii Daraawiish ka dib, uu ku soo kiciyey deegaanka Ogaadeen, ugu dambaynse ay ballaayo ka raacday.
Gabaygan wuxuu ku yidhi markii uu co
lka u diyaarinayey dagaal ka dhacay Daratoole (oo ku dhex taal Daratoole iyo Faafan). Dagaalkaas oo uu Af-Durdur ku jahaadayey Fashiistaha iyo wixii ag taagnaa, ayuu hadalkan gabay ku yidhi:
Haddaan dhimano geeridu kolbay, nolosha dhaantaaye
Dhaqashiyo marbay kaa yihiin, dharagtu xaaraane
Rag dharbaaxo quudheed dugsaday, dhaqayadeed maalye
Dhashaadeey sugtaa xaajadaad, dhawrataa abide
Dabka nimanka loo dhiibtayee, ina dhex luudaaya
Iyo xaajaduu nagu dhudhumin, gaal dhafoor caddiba
Aan ka dhimano mooyee waxaan, dhawranaan jirine
Ninkii ciil ka dhaansami kareen, dhiiggu kici doonin
Iyo fulay dhaddigi Xaashiyoow, ha iska dhuuntaane
Dhabarkaygu maba qaadi karo, dhaxalka ceebeede
Warankayga dhaabtaye dagaal, yaa u dhalandhooli
Ninkii geeri waa loo dhashaye, dhirif hayow soo kac
Oo kaan dhiidhiyeynow isdhiib, naarta dhacadiide
Dagaaladaa uu kula jiray gumaysi iyo gumaysi kalkaal ururay ayuu ku shihiiday. Allow kuu naxariiso.
Kaydintii: Akadimiyadda Afka iyo Suugaanta ee Murti
Tafatirkii: Mr: Cumar Ismaaciil Digeed