Inta badan gabayada Abwaan Raage Ugaas Warfaa waxay ka tarjumayaan dhacdooyinka dhabta ah ee nolosha, gaar ahaan kuwa ku saabsan jacaylka iyo qoomamaynta. Waxaa xusid mudan tixdan uu mariyay xilli ay kala tageen haweeney qiimo badan oo ay muddo dheer wadaagayeen guur iyo nolol. Kala-taggaas ayaa noqday mid uu si weyn uga shaloomay oo u qoomameeyey, taas oo ku dhalisay inuu ku cabbiro dareenkiisa murtidan hoose ee taabanaysa qalbiga, isagoo yidhi:
1. …
2. Dadkaan lumiyey, reerkaan dayacay, wiilashaan deyrshay
3. Iyo duusho siday naaga kale iigu dacaraysay
4. Iyo dawdarnimadaan ku kacay sida qof duul qaaday
5. Mindhaa labada daan iyo gacmaha siima kala daayo
6. …
Run ahaan ma dhama gabaygani suugaanta raage waxaa ka soo wareegay qarniyo badan sidaa awgeed qaarba in bay akadimiyaddu ka heshay. nala doon inta maqan oo nagu soo hagaaji
Kaydintt: Akadimiyadda Afka iyo Suugaanta ee Murti
Qalinkii & Tafatirkii: Mr: Cumar Ismaaciil Digeed