Gabay: Geella ah
Geelyohow Qulciyo la isu diid qolalkii xaarnaaye
Kobtii qadowga laga daaqi jirey qoob la dhigi waaye
Qax baan kaaga soo waday dhulkay qadadu kuu tiile
Waakaas qiyaamuhu ka dhacay, qarankii toomoode
Qodqod iyo qallaalkii Kigliyo Quracshil oo doogtey
Qawdhaha Ardaayaale iyo Qalaxkadheeraaday
Qurqurada caleentiyo dharjada qubatayee hawle
Qajigii hareeriga ku yiil qaranradii hawdka
Qulunquulka suubaanka iyo, qaaxawadeheeda
Quraar faraq leh qodaxtoosha iyo, qaalalyada saarka
Intaas oo qashkii hoos ka baxay qariyey baarkaaga
Adigoo qummaati u cunoo qiro ku soo yeeshay
Oo qadi madow wada noqdoo qaarka wada deyshey
Ama qaayo uga soo darmaday qararka hoostooda
Inuu kurusku qaab kuu baxiyo qurux ma weydeene
Eegan Qoraaley waxaa qululka kuu yeelay
Waxaa qaalmahaagiyo rimada qoday baruurtooda
Waxa aarankaagaan qallalay wada qaluuseeyey
Wuxuu qoorqabkaagu cashiyee qooqi kari waayey
Kobtay shilintu qoodayn jirtaa, qiil laguu bidaye
Qarrar iyo dhukaan iyo siday qaaxo kugu raagtey
Waxaa qulufad Anigubase waan kula qabaa qaabka aad tahaye
Anigubase waan kula qabaa qiimahaa tahay’e
Waa waxa jirkaygii qayiray qulubka maata ahe
Markii laylka qaarkiis tagaan qaraw la toosaaye
Sidii ruux qof uu diley dhintoo qaantii lagu yeeshay
Ama loo qisaasanahayoo qool la gelinaayo
Anigoo qarqarayaan arkaa Qoran daraaddaaye
Qoodhuu ka jabay geel ninkii qolo ka xoogtaaye
Hadduu cadow ku qaybsado anoo la iga kaa qaaday
Caanaha qabow iyo haddaan qalaxsigii waayo
Iskeeygab qarracan baan u dhiman qaybna waan gabine
Arlaa iga qoyaan meel leh iyo qolof ma weydeene
Qaxarkaad maraysiyo waxaan qalawga kuu geeyey
Qawlaha ku raadinahayaan kaaga qariyaaye
Qarfadaada meer waa danbuu qiil inoo bixine
Murtiyosuugaan
Mr: Cumar Ismaaciil Digeed