Wallee aniga waa lay tixgelin.

• Tawaawacayey toban jeer miyaan, xalayto soo toosey
• Tiiraanyo iyo ciil miyaan, tima madoobaadey
• Sidii adhi tigaad cuney miyaan, taaha ku caweeyey
•  
• Ma tunkaa i buuxsamay sidii, toban jir awr-geel ah
• Ma talaabadaydaan haldhaa, orod wax tuugeynin
• Laba saanac ii tumay miyaa, tiirsan garabkeyga
•  
• Miyey tabaraday laba qabiil, taws dhex dhigi weyday
• Balayadan i taaba leh miyaan, toosin kari waayey

Halkaa ayuu joojiyey Nuur gabayga.  Markii uu aarsaday ayuu kusoo

noqday oo dhamaystiray tixdii.  Wuxuu yidhi:

• Ma Cabdaa turaabta isku rogay, waa tabtaan rabaye
• Markii aan ku taagsaday miyuu, talalay oo reemay
• Ma tummaatadii baan wadnaha, tahan wax weydaarshay
• Ma tawaawicii buu i yidhi, taa ha ii celine
•  
• Tunka xil iga saarraa miyaan, tuurey galabtiiba
• Libaaxuba dhurwaa toban-kunuu, tulud ka qaataaye
• Ma rag baa la tiriyaa hadduu, toban kol weydaarto
•  
• Ninkii farayaan lagu tuhmey, talo ka hoostaaye
• Wallee aniga waa lay tixgelin, tiirinimadeyda

Kaydintii: Akadimiyadda Afka iyo Suugaanta ee Murti

Qalinkii Mr: Cumar Ismaaciil Digeed