Gabaygii: Cabasho laasqoray
Gabaygan Xasan Xayle wuxu tiriyey 1955kii, xilli uu ka maqnaa Laasqoray mudo dheer isagoo ogaa Laasqoray oo magaala maarso weyn ah, markii uu kusoo noqdayna wuxuu la kulmay magaaladii oo hoos u dhacday dadbadana ay ka guureen, wuxuna yidhi :
Cishadaan ka degey Laasqoray cabatay dhowr jeere
Waxan idhi maxaad la cartantoo kuugu culus maanta
Waxay tiri kuwii cid iigu xigey wayga carareene
Waxay tiri cirooliyo wadaad ima ciseeyaane
Waxay tiri caruurtaan dhalay Cadan u dhooofsheene
Waxay tiri haddii lay camiro waan abaal celine
Ciidayda keliyaan malyuun cadad la siisteene
Badda ceeligeediyo marsadu waa I caawiyine
Maruun bay maraakiib camiran caasha soo dhigane
Waxay tiri caddaan iyo madow coonka waa imane
Waxay tiri kuweer cararayow ceelkii waa aniye…
Kaydintii: Murtiyosuugaan
Ururintii & tafatirkii: Mr: Cumar Ismaaciil Digeed